حكواتي شامي يطرق "باب الحارة" بقبضة ثورية

عبود حكواتي شامي وقف أمام برج إيفل وهو يرتدي الزي الشامي الأصيل ويتوشح بعلم الثورة منتقداً مسلسل "باب الحارة" في جزئه السادس، وموجهاً رسالة لاذعة لمن أسماهم "أرانب باب الحارة" وخصّ بهم -كما قال- زعيمها "أبو عصام الكذاب والنمس النهاب"، مضيفاً في شريط فيديو بُث على اليوتيوب: "لو أنكم قبضايات ورجال الشام عن جد كنتو وقفتوا مع أهل بلدكم كنتو حكيتو عن العالم اللي عم تموت، وكنتو وقفتو بوجه الظلم حتى لو بكلمة حق".

وأردف: "شايفين هالأطفال كيف عم تموت بالبراميل والصواريخ اللي عم تنزل عليهم من طيارات نظامكم ورئيسكم المجرم".

ويخاطب الحكواتي عبود أبطال مسلسل "باب الحارة" بلهجة قاسية: "بعمركم ما زرتو مخيم الزعتري أو أي مخيم تاني، بعمركم ما سألتو عن معتقل بس انتو عميتو، لو فيكم نخوة كنتو وقفتو وفرجيتونا حالكم بساحات الشام، مو تفرجونا من دبي كيف كان أهل الشام يحاربو الفرنساوي فرجونا هلأ كيف أهل الشام عم تحارب النظام، يا حيف عليكم يا حيف على قلة ناموسكم وقلة نخوتكم".

وذكّر عبود الشام من يخاطبهم أن رجال الشام الأصليين ورجال سوريا هم الذين في الغوطة ودرعا وحمص وحلب ودير الزور وإدلب "مو متل حكايتكم، فكرناكم رجال طلعتم أبو بدر وما حميتونا من الغدر، طلعتو أضرب من صطيف الأعمى تبعكم يلي شايفين كل شي حواليكم وما عم تحكو".

وختم رسالته الناقدة بتوجيه تحية وسلام من عبود ابن الشام "منصورين بعون الله عمي".